rugl

2009-03-09T20:23:00.004Z

jeee...

klukkið á sjáborðinu hjá mér segir víst 25 dagar eftir, 8 klukkustundir, 29 mínutur og 5 sekúndur... 4... 3...

2009-02-24T23:34:00.005Z

...og þar skein sólin

það var þá bara þannig, ég leit við og þar skein hún... brosandi og yndisleg. ég leyfði mér að snúa mér alveg við og nú er skugginn á bakvið mig og ósjálfrátt brosi ég hverja stund. ég hef í dag 39 daga til að smíða mér vængi til að fljúga í átt til sólarinnar eins og íkarus forðum daga - síðan er það bara undir sólinni sjálfri komið hvort hún brennir mig eða leyfir mér að loga með sér...

...hey já... einfaldleikinn er ofmetinn - við skulum bara hafa það á hreinu! ; )

2009-01-04T21:57:00.009Z

it was nice while it lasted...

svo virðist sem ég hafi týnt sjálfri mér með öllu...
það gerist...

ég veit ég er þarna einhverstaðar - ég hef ekki glatað sjálfri mér - bara týnt... held ég... nei, ég er viss... ég er þarna... sonur minn er sá eini sem á auðvelt með að finna mig...

...skal standa mig betur á þessu nýja ári... ég lofa :)

2008-08-18T00:12:00.003Z

...átti afmæli... jubb...

tjaaa... mér finnst ekkert nauðsynlegt að halda upp á afmælið mitt á afmælisdeginum og tel mig eiga inni eitthvern dag þar sem ekki allir eru uppteknir og þá ætla ég að gleðjast með pomp og prakt með mínum bestu.

ég fékk að vísu drauma afmælisveislu á afmælisdeginum og fékk að gera nákvæmlega það sem mér þykir skemmtilegast (fáir sem þekkja mig SVONA vel ;) og aukretis fékk ég heila ísbúð í afmælisgjafareftirrétt! ...óójáá... sú tilhugsun kætir mig óendanlega mikið.

...nokkrum dögum síðar fékk ég gjöf sem ég var líka himinlifandi með - þrátt fyrir að ...tjaaa... ég væri á henni... en kommon - þetta ER kúl mynd :D (takks Tommi!)

eeen já... afmælisveisla - my style - kemur síðar...

luv'ya - always have - always will (prik til þeirra sem vita úr hvaða mynd þetta er!)

2008-07-25T02:06:00.004Z

bréf til pabba...

KOSSSARRR og knús elsku pabbi...

við Ingólfur áttum skemmtilegan dag í dag... fórum til Reykjavíkur og snæddum hádegismat á Núðluhúsinu með Óskari vini okkar. Ingó og Óskar voru grallaraspóar og reyndu að veiða fólk með regnbogalituðu teyjóbandi... einnig fékk eitt stk. dótakall að fara teygjustökk fram af útisvölum núðluhússins... þessi grallaraskapur féll afskaplega vel í kramið hjá kútnum mínum. Óskar fór svo að vinna og við fórum að leita að ís. Áður en við fundum ísinn fórum við á útsölu í NEXUS sem selur teiknimyndasögur og annað skemmtilegt... við keyptum kalla, spil, eina gjöf og tvær bækur. "Ís!" sagði guttinn og skundað var á íssölu á Ingólfstorgi þar sem ískurl varð fyrir valinu... við lékum okkur á torginu og Ingó deildi ískurlinu sínu með einhverri stelpu sem hljóp með honum út um allt torgið... síðan fór að skyggja og augljóslega stefndi í hellidembu. Við röltum í rólegheitum að bílnum - stoppuðum á leiðinni og lékum bardagaleik á risataflborði... vorum svo vinsæl að ein fjölskylda ákvað að gerast áhorfendur... svo kom rigningin. Við létum það nú ekkert stoppa okkur og settum bara sólina í hjartað og náðum bara í peysur og héldum áfram að leika okkur. Þá kom Tommi vinur okkar og vildi leika líka og endaði með að bjóða okkur kvöldmat. Eftir matinn var aftur rölt til að kaupa ís... og ískaffi handa mér... Á röltinu þuldi Ingó upp fyrir Tomma hvar hann og Óskar hefðu setið, hvar þeir borðuðu, hvar þeir göntuðust með dót og skó - og hló. Ískaffið fundum við í M&M og ísinn á Ingólfstorgi - aftur... og á meðan Tommi spjallaði við fólk fórum við Ingó í eltingarleik á torginu (stelpan auðvitað löngu farin þannig að ég varð að duga). Eftir þennan hamagang var aftur rölt að bílnum, Tommi kvaddur og við Ingó fórum sæl og glöð heim í galsabæ með nýja nexus dótið okkar. Ingó fór í sturtu - enda skítugur á tánum því hann var berfættur í skónum ... eins og mamma hans :) ...sturta og ferðalag í draumalandið hjá Ingó - stutt kúr í Ingórúmi og svo tölvufikt hjá mér. Nú kallar draumalandið á mig og ég ætla að hlýða.

góða nótt,
Barnið

one sunny day... á flickr r.ing

2008-07-02T14:56:00.011Z

þeir sem þekkja mig náið vita hvað sum atriði sem virðast smávægileg og hversdagsleg í augum annarra, skipta mig oft miklu máli...

ég flutti loks úr fallega húsinu mínu, Koti...

pabbinn lagði land undir fót til þess eins að koma og hjálpa litlu telpunni sinni að ljúka ákveðnum kafla í lífi hennar - eins og hendi væri veifað varð allt léttara við komu hans í Kotið. Minningum var hent ofan í kassa og poka á undraskömmum tíma og pabbinn og telpan áttu saman síðustu skálina í Kotinu og skáluðu í tequila*. næsta kvöld áttu þau svo saman fyrsta kvöldið á nýjum stað, hellt var upp á kaffi í fyrsta sinn og með gamalkunnugri lykt fundu þau bæði að nýr kafli í lífi telpunnar var hafinn. á bak við þessa fyrstu kaffistund bergmáluðu allar hinar - allt frá því þegar pabbinn og telpan trítluðu saman á fætur, leyfðu mömmunni að sofa og með þögn og kaffiilmi buðu þau nýjan dag velkominn. og nú, mörgum kaffistundum síðar buðu þau einum degi góða nótt með von og vissu um að sólin skini alveg upp á nýtt næsta dag.

*skálað var með nýstárlegri aðferð - tequila í einu glasi, salt í lítilli skál og svo sítrónusafi í einu glasi... hörgull á sítrónum varð þess valdandi að við notuðumst bara við safa í þetta skiptið :)

2008-06-28T22:35:00.003Z

já... ungfrú sól framkvæmdi sitt 2. prakkarastrik nú á dögunum
þessi herramaður fór heldur snemma í draumaheiminn á írskum bar á dögunum - ungfrú sól fannst rétt að þar skini sól...

;Þ

2008-06-25T18:55:00.007Z

merk tímamót...

jæja... þá er því lokið... síðustu bókinni minni sem nema í íslenskum fræðum hjá Háskóla Íslands hefur verið skilað til Þjóðarbókhlöðunnar.
[tekur stundarþögn til minningar um himneskar stundir í hlöðunni - og í þjóðdeildinni sérstaklega]
...héðan í frá telst ég sem 'almenningur' í þessu dásamlega húsi - ekki laust við að um mig fari stroka söknuðar en til að létta lund mína hugsa ég um hið nýja bókasafn sem bíður mín sem nema í Listaháskóla Íslands...

...já - ÞAR mun ég standa við heit mín um stenslagerð... múhahahahah

sólskinsprakkaragalsarassabros til ykkar - galsi að eilífu!

2008-06-24T13:38:00.006Z

sagði einhver klaufi???

ójá... þetta er bara orðið aaaðeins of fyndið...

- fór í bláa lónið og á meðan ég hélt á smoothy í annarri og öli í hinni missti ég sólgleraugun í lónið - ég gerði mitt besta til að grípa þau með hnjánum... nei - ekki mjög pent... sara kom til bjargar

- fór á kaffitár og fékk mér frappútjínó í boði söru - tókst að hella 50% af glasinu yfir andlitið á mér en í miðjum klaufaskapnum tókst mér að hella þessu ekki á bolinn minn ...lét þetta bara falla settlega *hóst* í kjöltu mína

- ég var að losa hnút á poka, missti takið og kýldi sjálfa mig í andlitið... það var hressandi með sprunginni vör, blóði og alles!

- ég fór í Bónus og greip hand-innnkaupakörfu og var eitthvað að lyfta henni yfir hausinn á mér en þá datt handfangið niður og dúndraðist í ennið á mér... já ég fékk kúlu!

- fór í smá vatnsbyssuslag en um leið og mér tókst að sprauta smá á andstæðinginn tókst mér einnig að kýla sjálfa mig í kinnina með vatnsbyssunni... já ég fékk kúlu!

- ég var að leika mér í "kastalanum" hér úti en tvö villidýr gripu í mig með þeim afleiðingum að ég datt fram fyrir mig og skall með hökuna í kastalann... já ég fékk kúlu!

kastalinn góði:

...ég bíð bara spennt eftir næsta atviki :)

p.s. nei - þetta er ekki allur listinn!

2008-06-18T23:06:00.011Z

stutt á milli hátíðisdaga...

í gær var 17. júní með tilheyrandi hressilegheitum og á morgun er 6 ára afmæli pjakksins míns.

ég og guttinn fórum í borgina í gær með eitt markmið, að hitta rassa og finna gras til að leika okkur á. við fundum 2 rassa og snæddum með þeim pizzu sem skylduát til þess eins að geta keypt candyflos í eftirrétt.

eftir candyflosátið varð sykurinn að fá útrás... labb dugaði EKKI til og endurnar voru ALLT of rólegar... nánast pirrandi bara...

þar sem að endurnar sögðu bara bra þá fórum við í hoppukastalana... þar þurfti að kaupa miða sem fór svona...
- miðasölubíllinn tók ekki debetkort...
- við fórum í bókabúðina til að ná í pening - hugsaði með mér að hressandi væri að fá kannski kaffi til að súpa á meðan við stæðum í hoppubiðröðinni... eftir að hafa staðið í biðröð í bókabúðarkaffinu komumst við að því að posinn þar var bilaður...
- við fórum niður í bókabúðina til að finna eitthvað til að kaupa... átti ég að kaupa eitthvað óþarfa rusl - eða eitthvað dýrt og æðislegt en pottþétt þungt í töskuna (sem var full af dóti)? hmm já ég keypti "3D" póstkort af Aladin..... aha...
- komin með pening, fór og keypti 6 miða... kostaði jú 3 í hvorn kastalann (ég hef lengi velt þessu miðamáli fyrir mér... af hverju kostar ekki bara einn miða og hver miði kostar 300 kall? ...sérstaklega þarna þar sem aðeins 2 tæki voru í boði!)

ég gat ekki annað en dáðst að syni mínum - hann beið af fúsum og frjálsum vilja og án ALLRAR óþolinmæði í þessari löngu röð... ca 20 mín... fyrir biðina fékk hann 1mín í kastalanum...

jæja - leitin að grasblettinum hélt áfram... við fundum einn og lékum okkur smá, eða þar til að hin óumflýjanlega pissustund kom

jæja - við vorum kaffi og íslaus... EKKI sniðugt... þannig að við röltum upp á kaffitár og ég fékk frappútjínó og guttinn eins en ÁN kaffis - þarna áttum við guttinn notaleg stund og reyndar spjall á alvarlegu nótunum en einnig hittum við hina nýgiftu bossa Hjalta og Korinnu - falleg og kát að vanda :)

nú já... klukkið var orðið margt og leiktækjataskan var eitthvað hálf illa nýtt fannst okkur Ingólfi og brosið á okkur báðum var hálf dauft. bót var gerð á því þegar við löbbuðum fram hjá mannlausu plani - ALLT var tekið upp úr töskunni og klukkutími fór í hina og þessa leiki og bardaga við öll heimsins skrímsli

já - þrátt fyrir að ekkert hafi farið eins og við ætluðum okkur þá vorum við fljót að fatta það að við þurftum bara að stoppa í smá stund, líta hvort á annað og sjá að við getum alveg barist við öll heimsins skrímsli ein :)

2008-06-09T22:37:00.004Z

JÁTS!!! ég vissi alltaf að ég hefði rétt fyrir mér...
sko - ég er svo taugaveikluð hvað boltaleiki varðar að ég get ekki horft á þá ein, þá er ég viss um að mitt lið tapar. áhorfendurnir skipta máli - líka inni í stofu!
þannig að... GOOOOO RASSAR og óóóójááááááá - 3-0 fyrir Hollandi! stórt galsastig til hr. sæls fyrir gott plott!

...og já... hjalti - ég er ENN hneyksluð... eins gott að þú bætir fyrir þetta hið snarasta! gætir t.d. tekið hressandi flug til tjaa... Akureyrar kannski :)

...já ég veit... uppábrot!!
það verður bara að hafa það - grallarabuxurnar mínar eru í óhreinatauinu (rennblotnuðu víst við eitthvað galsahopp í Barcelona hmmm) - þangað til að ég hendi þeim í þvott verðið þið bara að þola þetta.

2008-06-06T11:47:00.001Z

not a word... á flickr r.ing

ekki orð!

"There are painters who transform the sun to a yellow spot, but there are others who with the help of their art and their intelligence, transform a yellow spot into the sun."
Pablo Picasso (1881 - 1973)

haha já - hver elskar ekki þannig fólk :)

2008-06-01T22:24:00.001Z

waiting... á flickr r.ing

já já ... ég bíð...

ég tel mig nú vera afskaplega þolinmóða manneskju og umber nú flest allt... nema líklegast sjálfa mig.
ég veit að ég er að bíða en mér finnst ég ekkert endilega vera að missa af neinu... það sem ég ákveð að gera geri ég af heilum hug og satt best að segja er mér nokk sama hvað öðrum finnst. fjölskyldan mín og mínir nánustu vinir (hmm það er nú svo gott sem sami hluturinn) eru þær raddir sem ég vil hlusta á... aha - ég hlusta - fer kannski ekkert alltaf eftir því sem sagt er við mig ;)

kannski er ég bara að bíða eftir því að einhver skilji mig... ég er alls ekki neitt flókin (nei nei ekkert einföld, ljóshærð og bláeygð heldur hehehe)

stundum skín sólin hlýtt og blítt á meðan ég bíð - stundum rignir - stundum hellirignir... ég veit samt að yfir regnskýjunum ljómar sólin og hún kemur alltaf aftur... ég þarf bara að ...bíða :)
...ég er samt sem áður ánægð með það hvað ég er dugleg við að fíflast, galsast, prakkarast og leika mér á meðan ég bíð...

galsi að eilífu elskurnar - galsi að eilífu...

2008-05-22T12:45:00.001Z

spring... á flickr r.ing

vor...
já... drekk það í mig eins og sólin þegar hún andar að sér morgundögginni...

nokkrir hlutir sem breytast hjá mér við vorkomuna:
- ég hætti að draga fyrir annan gluggann uppi svo sólin nái að senda mér morgungeislana og kítla mig á fætur
- ég hætti nánast að ganga í sokkum
- get ekki labbað fram hjá sápukúluboxum án þess að kaupa mér eitt
- valkvíði vegna vatnsbyssukaupa verður stundum óyfirstíganlegur (vá hvað það er gott að eiga sæla vini þá ;)
- ég verð gríðarlega löt við að vaska upp
- á það til að leggjast í grasið bara hér og þar
- leitin að hinum fullkomnu sólgleraugum heldur áfram frá síðasta vori ...komst nokkuð nálægt fullkomnun sl. vor og merkilegt nokk þá á ég þau enn... þrátt fyrir að hafa farið út um allt og þám í þórsmörk í ofurgalsa
- það er alltaf sól... líka þegar það rignir og er skítakuldi... vorþrjóskan er nánast sterkari en allt
- grallarabuxur og strigaskór verða uppáhaldsklæðnaðurinn og ofnotað eins og ég veit ekki hvað!
- mig langar endalaust í sveit
- mig langar endalaust í sund
- mig langar endalaust í ís og ferska ávexti
- mig langar endalaust í ofur hressilegar galsastundir.... hmmm nei - það á reyndar við allt árið um kring hahahhaha
- prakkarinn í mér á það til að fara í yfirgír....... (ein slík var í gær - hún krefst sérfærslu sem kemur síðar þegar ég hef útbúið dulmálskóða fyrir hana hahaha)
- galsalegar kjólastundir eru framkvæmdar - eins og að trítla út um allan bæ með köku og bók í eldrauðum kjól með bjánabros og leyfa rigningunni að krulla hárið á sér
- hundasúruát er nýtt til að gleðja sálartetrið
- fíflar finnast uppþornaðir út um allt hús

....hahha... ég ætla ekki að skrifa meira og hendast frekar út!!

njótið tímans krúttin mín - ég veit að ég geri það amk - og í BOTN ;)

2008-05-13T03:31:00.001Z

mothersday ;) á flickr r.ing

mæðradagsgjöf!

nei ég vissi ekki að það væri mæðradagurinn þennan ljúfa sunnudag - en var minnt á...

vaknaði fyrir allar aldir - staðráðin í að eiga dásamlega ljúfan dag. það var skýjað og smá rigning en það var sannarlega sól í hjarta og ég fór í stuttbuxur, hvíta sumar skyrtu og berfætt í strigaskóna.

mér og guttanum var boðið í sveit... okkur var lofað splunkunýjum lömbum, labradorhvolpum og grilli - við fengum síðan mikið meira en þetta! það var galsi, rassaskellingar, sund, ís og dásamlegt fólk.

sveitin tók okkur opnum örmum með öllum sínum ljóma, hlýju og gleði og sólin í hjarta mér bókstaflega söng... jább - ég ætla bara að vera væmin og mér er alveg sama....... ég og guttinn glöddumst svo innilega.

öll skilningarvitin voru kætt...
við fengum að knúsaog kjassa þessa fallegu og krumpuðu labradorhvolpa, fengum að gefa þeim "nammi" og ég horfði alsæl á son minn passa upp á það að allir fengju eitthvað, líka stóru hundarnir.
við fengum að kíkja í fjárhúsin og mér til mikillar gleði misstum við ekki af því að sjá þegar ein áin var færð ásamt lambi, við stóðum öll þögul á meðan og fylgdumst með - sonur minn ásamt óskari félaga sínum og styrmi nýja félaga sínum sátu uppi á heyinu - sveitalegir höfðingjar.
við fengum að kíkja á kálfana... jaaa sonur minn var þá búinn að finna held ég hinn týnda sálubróður sinn í honum styrmi og stakk okkur hin af. ég hitti bolann og við spjölluðum saman í huganum um eyrnaklór og þökkuðum Guði fyrir fólk sem lætur það eftir okkur að strjúka manni á bak við eyrun.
við fengum að fara á trampólín.... óóójáááá... ég fékk sko líka að prófa - tók hina ægifögru Kötlu með mér svo ég fengi kvenlegan stuðning.
við fengum grill.... EÐAL grilllamb, dýrðarinnar sósu, salat með jarðaberjum og grænmeti með osti... sit hér og skrifa og fæ vatn í munninn við tilhugsunina. ég borðaði auðvitað allt of mikið - vonaði að enginn tæki eftir því eða þætti ég ódönnuð, já eða félli í skuggann af því að tommi snillingur gyrti niður um sig við matarborðið til að sýna marblett (sem reyndar er mér að kenna hahaha). æjh - ég ákvað samt að vera ekkert annað en ég er enda eru það svik við sálina að þykjast eitthvað í sveitinni ;)

við fengum... bestu mæðradagsgjöf sem hægt var að gefa okkur... söng í sálu, sól í hjarta, knús í kollinn og kæti í andann.

...eitt lítið takk en með mikilli hugsun á bak við... TAKK!

2008-04-22T23:55:00.001Z

baking trouble... á flickr r.ing

æjjjj sumir baka sér bara eeeeeendalaus vandræði...
ég þám

en tjah... mér finnst það bara skemmtilegt og að vera í prakkaraskapi er það næst besta á eftir galsa... og vá í dag var ég í prakkaraskapi með svefngalsa!!!

...dagurinn gekk slysalaust fyrir sig - ÓTRÚLEGT en satt!

ég vona að rassarnir mínir hafi verið glaðir með kökurnar sínar... mér fannst amk ótrúlega gaman að mausast í þessu fyrir þá hahahahaha

2008-04-21T23:33:00.001Z

imagine á flickr r.ing

það kom og vakti mig af dvala sem ég ætla mér aldrei aftur í...

ég vil ekki þvinga það á annan farveg en þann sem það er á þessa stundina...

þó svo að það sé ef til vill allt ímyndun ein þá fær það mig til að brosa alveg upp á nýtt...

það er gott, það er ljúft, það er mitt...

það kannski breytist einn daginn en ekki strax...

ég mun í raun aldrei leyfa því að fara - það verður alltaf sem áminning til mín um að týna mér ekki aftur...

2008-01-08T14:58:00.001Z

what to do when bored - 2 á flickr r.ing

fornaldarstig - 6. umferð

Fóstri dóttur Sigurðar Fáfnisbana og Brynhildar faldi stúlkuna inni í hverju?

Ekki svara í athugasemdakerfinu - 3 stig í boði.

2007-12-12T00:06:00.001Z

due for a haircut? á flickr r.ing

æji hvað er að mér!!!

2 síðustu klaufabárðaatvikin mín:

- ég kom heim um daginn, hentist úr strigaskónum mínum og fór í inniskóna mína... þegar ég kom inn í eldhús stoppaði ég og leit niður á lappirnar á mér.... ég var í einum inniskó og einum strigaskó!! Ég hafði virkilega farið úr báðum strigaskónum en í annan þeirra aftur!!

- ég fór fram og ætlaði að ná mér í mandarínu - en í staðin fór ég fram og burstaði tennurnar...

2007-12-10T14:56:00.001Z

á flickr r.ing

fornaldarstig 5. umferð...

hver er bróðir fósturföður Sigurðar Fáfnisbana...

ég veit þetta er kannski örlítið kvikindislegt - EN það er felst vísbending í myndinni ;)

-

3 fornaldarstig hafa verið veitt fyrir þessa þraut

2007-11-15T20:03:00.001Z

á flickr r.ing

fornaldarstig 4. umferð

Stála flaums stökkvir = ?

3 stig hafa verið veitt f. þessa þraut!

2007-11-15T15:37:00.001Z

á flickr r.ing

jeyjjj...

ég fékk vísu :)

Umræðunum skiptir skjótt
skörunglega ring
fréttablaðið lesið fljótt
flettið því í hring

Óskar félagi minn samdi þetta vegna þessa þráðar

2007-11-02T19:21:00.001Z

snow!!! á flickr r.ing

Ég keypti mér tölvumús í versluninni Hugver í gær - þar skildi ég eftir nafnspjald eftir smá spjall við afgreiðsluherrann...
svo fékk ég þessa í pósti:

Hingað þegar kom þornabrík
þekkust mær í Keflavík
Ring-laður kall réð skoða vef
ráð mitt síðan bætt ei hef:
sítrónur vil í sérhvert mál
súrar ekki finnast.
..Undarlegt er allt það tál
á þær vil ég helst mynnast.

Kveðja, Valdimar

2007-11-01T09:30:00.001Z

á flickr r.ing

...ein auðveld...

3. umferð...

Hver stelur geði guma?

fornaldarstig í boði - EKKI svara í kommentakerfinu ;)

3 fornaldarstig hafa verið veitt f. þessa þraut!

2007-10-30T11:20:00.001Z

"...so... rain tomorrow?" á flickr r.ing

"Rigning á morgun?"
"..aha - svo sagði veðurspáin.."
"Fjárans"
"...verið svalir piltar - við erum hindúar!"
"ooo en hvað með rúsínurnar?"

2007-10-26T23:57:00.001Z

500 á flickr r.ing

hmm... þetta er galsalegasta myndin sem ég á í augnablikinu... verður bara að duga með þessari föstudagsgalsavísu

Víking öl og viking malt,
veigar sem ég drekk.
Rommið gott og rauðvín allt,
ræður mínum hrekk.

Gleðilegan galsa!

2007-10-24T13:28:00.001Z

á flickr r.ing

fornaldarstig - 2. umferð

Hvað gera Hymis meyjar við Njörð (skv. Loka)

EKKI svara í kommentakerfinu!

3 fornaldarstig hafa verið veitt f. þessa þraut!

2007-10-22T19:25:00.001Z

á flickr r.ing

fornaldarstig!

Sigurðr eggjaði sleggju
snák váligrar brákar;
en skapdreki skinna
skreið af leista heiði;
menn sǫusk orm, áðr ynni,
ilvegs búinn kilju,
nautaleðrs á naðri
neflangr konungr tangar.

þetta er ein af lausavísum Þjóðólfs Arnórssonar...

3 fornaldarstig hafa verið veitt f. rétt svar!

2007-10-09T22:07:00.001Z

á flickr joberg.

garg....

þarf maður eitthvað að vaxa upp úr því að klæða sig upp á öskudeginum??

2007-10-08T19:23:00.001Z

The end of Man. á flickr Domen Colja

mjáhá...

...fer að halda að ég sé hugfangin af hangandi mönnum...
neee.... kannski ekki - myndin er amk geggjuð!!!

2007-09-26T17:14:00.001Z

H-ring-UR á flickr r.ing

H-ring-UR

hahaha já... þetta var auðvitað bara fyndið. Ljósmyndakeppni.is stóð fyrir keppni þar sem að myndefnið átti að vera hringur ...okkar túlkun. Mig langaði til að taka þátt í þessari keppni er var eitthvað gríðarlega andlaus... Óskar ljósmyndasmiður nokkur kom mér þá til bjargar með afar skondna hugmynd - varpað fram í gríni auðvitað en já já ég er sökker f. svona rugli þannig að þó svo að ekki væri lengur hægt að senda inn mynd í keppnina þá ákvað ég að framkvæma þessa hugmynd í gær.

Nikkið mitt á ljósmyndakeppni er sem sagt ring ... já þannig að þið getið lesið út úr þessu sjálf.

Aftur á móti... þá kom Tryggvi bókmenntafræðingur með nýja lesningu í myndina... þar sem að ég heiti auðvitað Rut og ég er með kubb í kjaftinum sem gæti verið komma - þá er einnig hægt að lesa úr myndinni H - rút - ur ...

hehehehehe

2007-06-07T19:22:00.001Z

nunotavares# á flickr Nuno Tavares

fann þessa ÆÐISLEGU mynd á flickrflakki...
bara langaði að deila henni með ykkur!

2007-05-15T15:29:00.001Z

Michael Radulescu á flickr r.ing

Michael Radulescu
áhugaverðir tónleikar!!!!

2007-05-04T13:10:00.001Z

DSC_0074 á flickr TIGER FOOTS

alltaf svo smart... ehhemm...

2007-05-04T12:08:00.001Z

ormafæða

wormfood á flickr - r.ing

hehehe... jáhá... svona eyðir maður dýrmætum ritgerðatíma sínum í vitleysu ;) ...var samt í 2. sæti í ljósmyndakeppni á ljosmyndakeppni.is!

2007-02-14T21:59:00.000Z

mjamm...

bróðir minn er fótbrotinn og mér datt í hug að senda honum fíflalega mynd af mér til að gleðja hann... hann var auðvitað ekki seinn á sér og svaraði myndsendingunni í einum grænum :)

á neðstu myndinni má sjá okkur systkinin á fermingardegi Sigga bróður - ég 4 ára.

2007-01-25T11:31:00.000Z

mont..

eitt sinn komst mynd eftir mig í 1. sæti hjá flickr-explorernum en ég missti af því og gat ekki búið til svona mynd af því þannig að ég á það ekki skjalfest... þið verðið bara að treysta mér ;)

núna eru þessar myndir inni...

1. ýtir elds þrumu landa brands, 2. wake up!, 3. mín fiðla - svört

2007-01-20T21:48:00.000Z

tjah...

ég fann þessa um daginn - hún er stórkostleg... ja, amk vefurinn :)

2007-01-09T11:27:00.000Z

elsku vinir!!
...gleðilegt nýtt ár og hjartans þakkir fyrir þau gömlu !!!

2006-12-04T10:48:00.000Z

annir og leti...

já það er hægt að vera ofboðslega duglegur og óheyrilega latur í einu! ég bjó til bækling fyrir ljósmyndasýningu sem ég tek þátt í - og verður opin til 10. des. - tók myndir fyrir sýninguna, vann myndirnar, lét prenta út og rammaði inn, sá um Ingó sem fékk ælupesti, fékk mígrenikast í kjölfar frábærrar opnunar (hehehe)... eeeen hef ekki skrifað rassgat í ritgerðunum mínum!!! jæja - nú á Hvamm-Sturla hug minn allan ;)

...skellið ykkur nú í sveitarúnt og kíkið á ljósmyndasýninguna - Bjarki og Yelena kíktu á laugardaginn og Svanhvít, Sigurrós og Lára komu líka - hér er ein mynd af sýningunni:

(ef ég man rétt þá keypti Svanhvít þessa mynd - vel valið!)

2006-11-10T14:33:00.000Z

bloggarar fyrr og síðar...

2006-11-02T19:37:00.000Z

ehemm...

2006-10-15T20:01:00.000Z

sko gömlu ha!
...ja - ég get bara ekkert sagt um þetta annað en ...þið ættuð að sjá hinar myndirnar sem voru teknar þetta kvöld!!!

2006-10-10T09:23:00.000Z

óvægin

jah... - einhver sendi mömmu minni voða fallegan tölvupóst og okkur systkinunum datt ekkert betra í hug en að snúa út úr honum á versta veg...

fyrst kom þetta:
3 englar hafa verið sendir til þín.Þú verður að senda þetta á 8 manneskjur að mér meðtöldum.Eftir 8 mínótur munt þú fá eitthvað sem þú hefur óskað þér lengi.
Hafðu Trú.

Siggi bróðir varð minna en hrifinn hehehe:
Mínótur?
Plís, ekki svona kjaftæði! Þetta er vont.
Siggi

Þá svaraði Benni – afar hnittinn:
3 litlir, misþroska ljósálfar hafa verið sendir til þín.
Þú verður að senda þetta á 8 manneskjur að mér meðtöldum.
Eftir 8 mínótur muntu öðlast sálarfrið í 4 sekóndur sem þú hefur óskað þér lengi.
Hafðu trú.
B.

Siggi lét ekki sitt eftir liggja og svaraði um hæl:
3 feitir lesblindir dvergar hafa verið sendir til þín. Þegar þeir koma inn um bréfalúguna, sparkaðu þeim í átt að þremur næstu húsum. Og þú munt öðlast freð. 8 mínótum seinna munu 4 sekóndur syngja þér þann gleðisöng sem þú hefur beðið eftir frá því þú manst eftir þér.
Hafðu trú.
S

Ég gerði mitt besta til að bæta um betur:
3 graðir og naktir garðálfar hafa verið sendir til þín – þegar þeir koma og fara að riðlast á útidyrahurðinni skaltu taka þá og henda þeim í klósettið, míga á þá og sturta svo niður.
Sendu þetta á 8 manneskjur að mér meðtaldri og 8 mí(g)nótur munu þá hljóma upp úr holræsum nágrennisins og fylla rassgatið á þér með seðlabúntunum sem þig hefur alltaf langað til að skíta.
Hafðu trú.
R

...uss svona getur maður verið óforskammaður! hehehe mömmu og pabba fannst þetta samt fyndið!!

2006-09-24T20:53:00.000Z

dóni
greyið maðurinn var svo fullur að hann mundi örugglega ekki hvað hann hét! það breytir því ekki að athæfi hans var refsivert... refsingin sem hann hlaut fyrir gríðarlega ágengt káf var afar þungur löðrungur - raunar svo snöggur og harkalegur að maðurinn flaug út á gólf!! ég er ekkert fylgjandi ofbeldi og ekkert ofbeldisfull að eðlisfari en stundum er manni bara svo nóg boðið að frumeðlið grípur inn í og viðbrögðin verða ósjálfráð... hana nú og nei - ég skammast mín ekki neitt!!!

(...og nei - ég var ekki undir áhrifum áfengis!)

2006-09-12T13:02:00.000Z

húrra!

okkur íslenskunemunum er margt til lista lagt ...til lukku elsku MÍMIR með titilinn!!

2006-09-12T09:13:00.000Z

Ögmundur minn kæri...
ég hef alltaf verið dulítið hrifn af fúllyndi Ögmunds - en sérstaklega núna!

2006-09-07T11:38:00.000Z

endurbætt

jæja - ég hef gert smá breytingar á ættartrénu góða - nú er Brynhildur ekki lengur á tveimur stöðum, þetta er líklegast skárra svona þó svo að línur þurfi þá að skarast...

2006-09-05T09:36:00.000Z

seld?

...já - ég seldi myndir á sýningunni!! ...meira að segja 6 stk!!!

...þó ekki þessar - kannski vill fólk ekki hafa flugur á myndunum sínum?

2006-09-01T10:37:00.000Z

dr... ykkur yfir til Keflavíkur!

Komið og njótið allrar vitleysunarinnar sem er í boði hér í Reykjanesbæ á Ljósanótt... þar á meðal fyrrnefnd ljósmyndasýning sem ég tek þátt í. Sýningin er í svokölluðu félagsbíói (l.þ.s. gamla Nóatún eða þar sem kosningaskrifstofa xD var) - skammt frá Hafnargötunni.

...endilega komið!!

2006-08-28T21:37:00.000Z

væmin hehehe...

fyrstu helgina í september verður svokölluð Ljósanótt hér í Reykjanesbæ - þetta er nokkurskonar menningarnótt suðurnesjamanna. ég verð með myndir á ljósmyndasýningu Ljósops - þema sýningarinnar er „andlit bæjarins“ en aðrar myndir eru frjálsar
...þetta er þema-myndin mín:
...já - ég veit...

2006-08-21T09:48:00.000Z

"hann er alveg eins og ..."

...hnuss - hann er líka líkur mér!!!

2006-08-17T10:56:00.000Z

minn geimur...

ég lét undan eigin þrýstingi í aðgerðarleysi einn daginn og bjó mér til MySpace síðu... þá komu sjálfsmyndirnar að góðum notum

2006-08-15T14:28:00.000Z

TAKK!!! elsku vinir - takk fyrir frábæra afmælisveislu - ég er enn í skýjunum!
...hér eru svo fleiri myndir úr teitinu ;)

2006-08-09T13:53:00.000Z

AFMÆLISVEISLA!!!

hið formlega veisluboð hljóðar svona:
Þér (ykkur) er hér með boðið í afmælisteiti á Pravda (Litla barnum) þann 12. ágúst - kl. 21 (mættu tímanlega!!) ...bjór fyrir þá sem koma snemma og tilboð á barnum f. veislugesti...
xx
...endilega komið og skálið við mig kæru vinir - allir velkomnir!!!

...fyrir 26 árum:

2006-08-05T18:25:00.000Z

Múhahahahahahaaaa!
talandi um áhugaverð ættartré - sjáið þá hvað pabbi minn sendi mér !!
...og bara svo þið vitið það þá get ég einnig rakið ættir mínar til Sverris Sigurðssonar Noregskonungs hahh-ha-haaa!

2006-07-25T14:06:00.000Z

ættartré!

...ég hef þann sið á þegar ég les sögur með flóknum fjölskylduböndum, að teikna upp ek. ættartré sögunnar... þetta gerði ég líka þegar ég las hetjukvæðin fyrir BA-ritgerðina mína... og hér er afraksturinn:

(smellið á myndina til að sjá þetta betur ...og látið mig endilega vita ef þið sjáið einhverjar villur!!)

2006-07-24T12:01:00.000Z

húðflúr

einhvernveginn svona verður flúrið mitt! ...já já - ég er nörd!

2006-07-24T12:00:00.000Z

hehehe...

vá - augljóslega gríðarlegur áhugi á Svarfdælu!

2006-07-21T10:23:00.000Z

höfuðlausþessi mynd minnir mig á Svarfdælu ...hehehe

2006-07-10T19:24:00.000Z

hugmynd?

minn kæri Darth Vader í garðinum mínum! ég er í ljósmyndaklúbbi sem kallast Ljósop og við ætlum að hafa samsýningu í haust á ljósanæturhelginni. ...ég er að reyna að ákveða hvaða myndir ég vil sýna - mér finnst þessi alveg koma til greina hehehe...

vegna athugasemdarinnar frá afmælisbarninu Aðalbjörgu frænku minni - ákvað ég að setja myndina sem ég sendi henni í tilefni 7.7. sl. ...

2006-07-02T17:37:00.000Z

Benni litli allur!

Þetta er litli gullfiskurinn hans Ingólfs - hann skírði hann sjálfur en til aðgreiningar frá Benna frænda var hann kallaður Benni litli. Benni litli lést 1. júlí sl. eftir eins dags dauðastríð og ég sakna hans furðu mikið!

Þetta er aftur á móti Benni stóri - sem er að sjálfsögðu við hestaheilsu!

2006-06-22T17:13:00.000Z

fegurð
...sannarlega skynjum við fegurð á mismunandi hátt - Anais Nin sagði eitt sinn: við sjáum heiminn aldrei eins og hann er, heldur eins og við erum... þetta er rétt og mér finnst garðurinn minn fallegur! Þetta er í garðinum mínum!

2006-06-20T09:36:00.000Z

bleikt eða ekki bleikt...
ég hef aldrei verið hrifin af þessari litaskiptingu kynjanna en fataval mitt á kvennadaginn var samt sem áður ekki nein sérstök yfirlýsing - þetta var bara svona yndislega kaldhæðnislegt!

2006-06-16T18:39:00.000Z

19. júní

Ingólfur í Koti verður 4 ára þann 19. nk. ...af því tilefni teiknaði hann þessa mynd (í tölvunni) fyrir afmælisboðskortið...

...þetta er hann sjálfur - í tölvunni!

2006-06-06T16:01:00.000Z

þvottaduftið og köngulærnar
þetta er nýja kjallaraköngulóin... hér er myndin bara lítil fyrir viðkvæma en HÉR er hún stór fyrir hugrakka ;)
ég hélt að ég hefði gert köngulónum í kjallaranum greiða þegar ég færði þvottaduftskassann þannig að ekki sáldraðist lengur þvottaduft yfir stóra vefinn við hliðina á þvottavélinni... svo virðist sem ég hafi gert þeim óleik að einhverju leyti. áður sáldraðist niður þvottaduft hægra megin við þvottavélina en nú sáldrast vinstra megin - áður var könguló og vefur hægra megin við vélina en nú er ný, stór og væn könguló í nýjum vef vinstra megin við vélina!!!

2006-06-02T13:36:00.000Z

latínu og málfræðibrandari - þýðing...
Burt með þig, illur andur, nú!
Afleitur bögubósi´ert þú.

Burt með þig illur anda, nú!
Laugstu fyr og laugstu nú.

Burt með þig illur andi nú!
Svo áttir fyrr að segja þú.

...jah - þetta er óneitanlega flottara á latínu hér

2006-05-31T10:12:00.000Z

ying og yang
...þetta er fín mynd af mér og kallinum mínum og lýsir okkur ágætlega!! ...en skv. kínverskri stjörnuspeki er ég dreki og hann tígur...

2006-05-29T19:00:00.000Z

kastalinn minn

...já, ég á hlut í þessum kastala ! ! ! Hér er sönnunin:

2006-05-29T17:03:00.000Z

í alvöru?

...neibb! ekki fleiri alvörumál hér - þetta er og skal vera rugl-blogg!

p.s. í bili amk hehehe

2006-05-27T16:49:00.000Z

jæja...

þá er því lokið - er búin að kjósa og mér líður vel! það hefur aldrei verið jafn auðvelt að kjósa eins og núna... og já, ekki vegna þess að ég er á lista VG - heldur vegna þess að af þessum 5 flokkum sem bjóða fram hér í Reykjanesbæ er aðeins 1 á móti álversdýrkuninni!!! ...aðeins VG eru á móti þessari heimsku hér í bæ... furðulegt!

...svo skulum við ekki gleyma öðrum baráttumálum VG... eða gleyma yfirleitt:

2006-05-24T09:47:00.000Z

tík og pólitík...

ég reyni að gera mitt besta í því að vera málefnaleg í þessari kosningatíð en það er alltaf einhver púki í mér sem treður sínum „málefnalegu“ skoðunum á framfæri! ég horfði á kastljósið í gær þar sem rætt var við oddvita allra flokka hér í Reykjanesbæ... ég hlustaði, myndaði mér skoðanir og brást ýmist jákvætt eða neikvætt við... en allan tímann öskraði púkinn í mér „aaaaaaaaaahhahahahahah... hann er eins og Penguin í Batman!!“ ...kaldhæðninni samkvæmt sat auðvitað Bruce Wayne við hliðina á The Penguin!

2006-05-23T15:13:00.000Z

ég hlakka til...

„Veistu, ef föður né átt-at sem fira synir, af hverju vartu undri alinn?“

2006-05-17T11:35:00.000Z

bíó...
þetta eru tvær af mínum uppáhalds kvikmyndum!

2006-05-15T15:59:00.000Z

genatískt rugl...

já! þetta er sonur minn þarna uppi - hann er að verða fjögurra ára...

2006-05-09T09:07:00.000Z

hana nú!!!
...ég vissi reyndar að það ætti að koma mynd í gluggann þarna - en svona STÓR????? nei!

2006-05-08T10:36:00.000Z

blessaður hummerinn...

það er skondið að sjá hversu ómálefnalegt fólk getur verið í athugasemdum/commentum sínum (já, og ekki bara í barnalandsspjallinu). fólk byrjar að skrifa í einlægni sínar skoðanir en eftir stutta stund er þolinmæðin á þrotum, fólk orðið pirrað og notar allt sem rök fyrir sínu máli - þ.á.m. ásláttar- og málvillur annarra ...sem í raun koma upphaflegu athugasemdinni ekkert við!
...fyrst ég er á annað borð að gagnrýna hér athugasemdir fólks á ákveðinni mynd get ég ekki annað en tjáð skoðun mína á athæfinu sem virðist fara fram á myndinni sem um ræðir - mér finnst það ALLTAF rangt þegar heilbrigt fólk (ef slíkt er þá til) leggur í bílastæði ætlað fötluðum, óháð því hver það er, stund og stað!

...HÉR má hins vegar finna málefnalega og góða umfjöllun um téða mynd eftir uppáhaldið mitt (að sjálfsögðu)!

2006-05-05T20:44:00.000Z

rugl ársins!!

þessi er í 5. sæti hjá þessum í Reykjanesbæ!!!

...æ - hvað hef ég gert?

2006-05-05T08:36:00.000Z

alas! ...eins og ég sagði áður þá át stór, feit og frek kónguló kóngulónna „mína“ ! ...þarna sést frekjan ofan á minni gömlu vinkonu.
Eftir þetta velti ég því fyrir mér hvort þetta hefði gerst oft - hvort kóngulóin mín væri jafn upprunaleg og hamar mannsins - þ.e. hvort þessi éta/vera-étin hringrás væri búin að fara í marga hringi? ...ég ákvað að svo væri ekki og mér var alltaf hálf illa við þessa nýju!

2006-05-02T14:52:00.000Z

sögumaðurinn...
sonur minn er prýðisgóður sagnaþulur - hann sagði mér sögu í morgun sem hófst svona:

Einu sinni fyrir langa löngu eftir tvo daga - í gær...

hehehe - mér finnst hann snillingur!

2006-04-29T19:29:00.000Z

in memoriamþessi fína kónguló bjó við hliðina á þvottavélinni minni í dálítinn tíma - svo varð hún eitthvað slöpp og minnkaði helling (ég held vegna þvottaduftsins sem var í vefnum hennar) - þá kom allt í einu önnur kónguló - stór og feit - og át þessa! ...ég á myndir af því líka - þær koma síðar!

2006-04-25T21:17:00.000Z

Kot...
...hér fáið þið smá sýnishorn af Kotinu mínu. Kot er 105 ára gamalt hús með hlöðnum steinkjallara og þetta er stiginn niður!!

2006-04-24T11:36:00.000Z

skál!
Bjössi frá Þýskalandi færði okkur Kotbúum þennan ljómandi góða bjór - þetta er líklegast uppáhalds bjórinn hans Obelix!

p.s. ljósi steinninn þarna er úr námum Salómons konungs!!

2006-04-20T18:08:00.000Z

bölvun!
...hér má finna bráðskemmtilega frásögn af bölvun Tut-Ankh-Amon!

2006-04-20T17:51:00.000Z

próflestur...

...og kaffidrykkja!

2006-04-06T16:49:00.000Z

ruglaður...

jæja... nú er elskhugi minn loksins kominn með alvöru hlekk! Setti hlekkinn bara á snjóbrettasíðu sem lýsir hans ruglaða eðli mjög vel hehehe... ...sko!

2006-04-05T17:43:00.000Z

barnahirslur?

...ég er að hugsa um að fá mér svona APA kassa undir Ingólf ...já, eða svona Blimp-vegghirslu! Pilturinn er orðinn eitthvað þreyttur á að hanga þarna:

2006-03-29T13:14:00.000Z

hún er mín ! ! !
...loksins - LOKSINS... ég hef þráð þessa bók í 2 ár og nú loks með örlæti móður minnar er hún mín ...já, eintakið kostaði hana 12.580 kr! Mamma mín er snillingur!

2006-03-28T13:00:00.000Z

dekurdýr í starfsmannahópi Kots...

...hmm já, svo virðist sem þessi sé í einhverju uppáhaldi hjá yngsta húsráðanda Kotsins...
(en kannski hefur hann bara borgað sig fram fyrir)

2006-03-26T22:12:00.000Z

himneskt!

...þarna var ég í dag og hlustaði á Schola Cantorum - dásamlegt!!!

2006-03-25T13:21:00.000Z

fyrirmynd?

...ég veit ekki hvað skal segja...

2006-03-21T20:10:00.000Z

Auli!

Ég sá hann í gær og gat auðvitað ekki verið gáfuleg - ekki einu sinni aðlaðandi! Nei, bara aulaleg og aulaði út úr mér einu aulalegu "hæ" ...auli!

2006-03-20T19:39:00.000Z

Húsvörðurinn... ...rúntar um Kotið í fjarveru familíunnar. Já, við erum afar heppin með starfsfólk!

2006-03-18T18:13:00.000Z

Ruglaður heimur!

...ég sá þetta rugl hjá uppáhaldinu mínu (afsakið ófrumlegheitin) og gat satt best að segja ekki látið það fram hjá mér fara.

Það var auðvitað aldrei ætlun mín að vera alvarleg hér á þessu bloggi - hef annað blogg til þess en því miður man ég ekki lykilorðið mitt inn á hana!!

2006-03-17T12:26:00.000Z

draumar Ingólfs: - þessi með fiskinum á gólfinu, hann var aðeins með eitt auga - vondur fiskur...
- þessi með býflugunni á gólfinu - vond fluga...
- þessi með beinagrindunum í kjallaranum og ein þeirra var með tvö tippi! - góðar beinagrindur...
- ...og að lokum uppáhaldið mitt: þessi með regnboganum sem var úr skyri og það voru fótspor í skyrregnboganum...

2006-03-16T23:03:00.000Z

leiðinlegar mínútur?
...ó, já! aaaahhhhh - mínútulagið úr rent gerir mig geðveika!!!

2006-03-09T16:00:00.000Z

nýi bókavörðurinn á heimilinu...
...ég var að taka til um daginn - af einhverri ástæðu, endaði Batman þarna!

2006-03-06T19:05:00.000Z

Minni karla:

Ég elska karlmenn!!!

...takk fyrir.

p.s. nú mun ég alltaf halda sérstaklega upp á Næsta bar - þökk sé skyttunum þremur!

2006-02-24T11:01:00.000Z

...þetta með genin!

2006-02-24T10:48:00.000Z

faðir og dóttir